2010-10-31

Омар ХАЙЯМ


Уншаад төрсөн сэтгэгдлээ дөрвөн мөртөд хөрвүүлэх гэж оролдлоо.

2010-10-30

Омар ХАЙЯМ-ын 4 мөрт

Арга мэх, урхи занга, энэ ертөнцөд алхам тутам
Аяа би нэг ч өдөр өөрийн хүслээр амьдарсангүй
Надгүйгээр бурхан тэнгэр бүхнийг шийдсэн хэрнээ
Намайг тэгээд үймээн дэгдээгч гэхийг нь яана

2010-10-26

Санаанд орж ирсэн үгс ...

Өөрийн ертөнцөөс илүү ихээр бусдын ертөнцийг ойлгохыг хичээсэн ч туулж, мэдэрч үзээгүй болохоор бүрэн дүүрэн илэрхийлж, ойлгоно гэдэг нь тийм ч амар зүйл биш юм.



2010-10-25

1-р хэсэг 1. Бүх зүйлийн шалтгааныг өөрөөсөө эхлээд олцгооё

Бид цонхоор харж буй ертөнцөө төдийгүй ертөнцийг харж буй цонхоо харах хэрэгтэй, ертөнцийг яаж тусгах нь цонхноос, цонхыг шиллэсэн шилнээс шалтгаалдаг.

БҮХ ЗҮЙЛИЙН ШАЛТГААНЫГ ӨӨРӨӨСӨӨ ЭХЛЭЭД ОЛОХЫГ ХИЧЭЭ, энэ нь дараагийн алхмыг илүү дөт болоход туслана.

2010-10-24

Тэр гудамж, бүүр тэр гудамж

Өнгө алагласан зөндөөн гудамжаар
Өөрөө хаашаа явахаа мэдэхгүй
Зүгээр л юу ч бодолгүй нэг л гудамж руу чиглэн
Зүрхэнд минь шивнэх уянгыг хайжээ.

2010-10-22

Өндөр бүтээмжтэй хүн ДОЛООН ДАДАЛ

Энэхүү ном нь маш их таалагдаж, бусадтай хуваалцан хамтдаа уншихыг хүслээ. Бусадтай үнэн сэтгэлээсээ хандан ярилцах нь амьдралд урам зориг өгч, илүү их эрч хүчтэй болох шиг, тиймээс энэхүү номны хэсэг бүрийг өөрийн дуу хоолойгоор амилуулан та бүхэнтэй хамт сонсон, сэтгэгдлээ хуваалцахыг хүслээ.

Аз жаргалыг би хүний сэтгэлийн галаар төсөөлдөг болохоор
Алтан нар гэрлээн бидэнд ав адилхан хайрладаг болохоор
Амьд явахыг би бусдад хайраан түгээхийн нэр гэж ойлгоном
Аз жаргалыг би бусдаас хайр хүлээхийн учир гэж бодном

2010-10-19

Нууц

Хүний амьдрал нууцаар дүүрэн байдаг. Амьдралд хэрхэн хандаж, ямар өнцгөөс харж байгаагаар бас ирээдүйгээ тодорхойлж түүнд хөтлөгдөн явдаг юм шиг. Дотоод ертөнцийн хэсгээсээ жааханг л гаргахад өөрийгөө хүртэл тодорхой хэмжээгээр олж, илүү их нээлттэй болж, илүү ихээр мэдэрдэг.

9 дэх сарнай

Уржигдархан сарнай минь дэлбээгээ ч нээлгүй уначихлаа
Өндрөөс өндөр дэлбээллээ гэж зүүдэлсэн юмсан
Энэ зөн ч биш, зүүд хэвээрээ л үлдэж
Үүнд шивнэсэн хүсэл минь ч замхран алга боллоо
Хүний амьдралд хамгийн

2010-10-16

Зүүдэн хорвоод чамтай л туулахсан
Зуун жил хамтдаа байхсан
Хаа хүрэхээ мэдэхгүй ч
Хамтдаа туулна аа

Зүүд

Урьд шөнө би нэгэн зүүд зүүдлэлээ. Дурлалтай хөзөр тоглон тохиролцлоо.



Дурлал чи надад гомдохгүй шүү, харин би миний хүссэн зүйлийг өгнө шүү, тэр гэхдээ тийм байж болохгүй гэж санууллаа.

ТЭР, ЭНЭ ХАТУУ ОМГОЛОН, СЭХҮҮН ЗАН СЭТГЭЛ ХӨДЛӨЛ ...



Өчигдөрхөн бадамлаж байсан гэрэл өнөөдөр ч гэрэлтсээр л байх болно, хааяа ч гэсэн гуниглаг лдээ, сэтгэл сэмэрдэг хойно санаа минь харин намайг орхихгүй ээ, сайхан бүхэн ирэхээсээ өмнө урьтаж сорьдог гэсэн. Уйлахгүйг хичээсэн ч урсаад байна энэ нулимс, уучлахгүй ээ яасан ч гэсэн уяраад байна, юунд ч юм бүү мэд, найдаад байна.

Амьдрал цэцэглэнэ ээ

Зүүдэн хорвоод чамтай л туулахсан
Зуун жил хамтдаа байхсан
Хаа хүрэхээ мэдэхгүй ч
Хамтдаа тэмүүлнэ ээ

Хайр хайраа хайсаар нэг нэгнээ олно оо

Чи минь минийх шүү үүрдийн хайр минь
Би чинь чинийх шүү, хайр минь итгээрэй

САЙХАН АЯЛГУУ, САЙХАН ҮГС

Миний амьдралын баримтлал №01


Эр хүн хүч хэрэглэвэл ямар ч эмэгтэйд ялалт байгуулж чаддаг

Хүн өөрийнхөө ертөнцөөр бусдын ертөнцийн хэрхэн хандаж байгааг төсөөлдөг

Хаана байна аа тэр сэтгэл ...


Яагаад ч юм сэтгэл минь нэг хоос оргиод байх чинь, ямар ч мэдрэмж алга, би бүүр хоосон болчихсон юм шиг. Өнөөдөр юу хийж байгаагаа ч мэдэх юм алга, өө энэ өнгөт хорвоо чинь дүүрэн хүнтэй байна шдээ, өөрийгөө би хаана гээчихсэн юм бол доо. Өчигдөрхөн, үгүй ээ уржигдархан юм байна, би энд байсан л юм даа. Хаана байна аа тэр сэтгэл ...

2010-10-14

Анхны цас оржээ


Цав цагаахан цасан ширхгүүд цан хүүрэг татуулан өвөл ирлээ Өнөөдрөөс танд уур амьсгалаа бэлэглэё, удахгүй тачигнана шүү гэх шиг уудам талыг цэмцийлгэн цавцайлгана. Энэ бүх цасан ширхэг шиг энэ хорвоо бүхлээрээ гэрэлтэй бол ямар сайхан бэ? яг л миний, бас таны хүүхэд насны мөрөөдөл шиг ... Өвлийн өвгөн ирээд л ууттай бэлэг өгдөг шиг, өнгөлөг мөнгөлөг ширхэгээрээ таныг ч гоёы, та ч түүнд дурлаач ... сайхан байгааз ...

2010-10-09

Намар юуг өгүүлнэ вэ?



Өдөр унаанд суун түгжрэхэд цонхны цаана харагдах моддыг ажиглан суулаа. Өнгө бүрээр алаглан шаргалтах намрын навчис нэгийг бодогдуулах мэт, хөнгөхөн гунигийг ч илэрхийлэх шиг ... цаанаа л нэг утга агуулгатай мэт.

2010-10-03

ТЭД ТҮРҮҮХЭН НИСЭЭД ЯВЧИХСААН

Өглөө гол дээр ирэхэд өвөө ТЭД ТҮРҮҮХЭН НИСЭЭД ЯВЧИХСААН гэлээ. Тэгээд ийм мөрт орж ирлээ.


Өглөөхөн ирээд нисдэг галуу шиг
Өдөр болгон минь надаас нэг нэгээр холдон оддог
Өө тийм ээ тэд удахгүй буцна гэсэн
Өөрөө би ч гэсэн нэг л өдөр бас буцах байхдаа ...