2011-02-13

Ичинхорлоо - Цэл залуугийн гуниг

Цэл залуугийн гунигийг минь юу ч орлохгүй
Цэвэр ариун яг л шүүдэр мэт бардамхан гуниг
Хэн ч надаас булаахгүй агуу эрх чөлөө
Хэзээнээс намайг эзэмдсэн аниргүйн суу алдар аа

2011-02-11

Онож хэлсэн ганц сайхан үг

Хүн бүр дотор сэтгэлдээ урмын сайхан үгийг ямагт хүсч явдаг. Хийж бүтээснийхээ төлөө, бусдыг баярлуулсны төлөө хэн нэгнээс сонсох талархал, урмын сайхан үгс нь хүний сэтгэл зүрхэнд баяр баясгалан авч ирж, шувуу мэт дүүлэн нисэх хүсэл тэмүүллийг өгдөг. Аав ээждээ магтуулж, сайхан үг сонссон бяцхан хүүхдийн нүд нь очтон гялалзаж, өөрөө ч мэдэлгүй хөөрч онгирох нь үнэхээр өхөөрдмөөр хөөрхөн харагддаг.
 

2011-02-08

Хаанаас ч хамаагүй олж ирсэн хайрын мөртүүд

Чи миний чимээгүй ирсэн хайр
Чимэг гоёлгүй даруухан ирсэн жаргал
* * *
Дураараа чамдаа эрхлэх гэж
Дуртай үедээ үнсэх гэж
Хамтдаа алхаад инээх гэж
Хааяа санаад уйлах гэж
Чамдаа би зоргоороо дурлахсан
Чамайгаа би өөрийнхөөрөө хайрлахсан