2010-07-13

...

Нүд гялбам үзэсгэлэнт орчлонд
Нэрээ ч мэдрүүлэхгүй чимээгүй л оршмоор
Алсрах уудам талын хязгаар луу
Ахиж эргэж ирэлгүй од болон гялзмаар

Ялгуун энэ орчлон
Ямар харагддаг бол ...


2010-07-07

Тийм ээ тэр үеийн хариултыг санаж байна


Урьд шөнө би зүүдлэлээ
Уужуу амьсгаа авсан ч санахгүй байна
Ямар ч байсан тэр газар
Яг өмнө нь очиж байсан санагдаж байна

Өнөөдөр дуусч маргааш ирлээ


Хэзээ ч юм нэг л өдөр
Хэнийг ч юм, юуг ч юм
Хэлбэр дүрсийг нь өөрчлөн тавимаар
Хэн нэгнийг урвуулан хөрвүүлмээр

Би чамд тийм л хайртай /Хэн нэгний шүлэг/


Зөвхөн нэрийг чинь сонсоход шүлэг мэт сонсогддог
Зүүдээ манахад чи ирвэл мөнхөд сэрэхийг хүсдэггүй
Зөн совин муугаар татахад хамгаас түрүүнд чамд зовнидог
Зөөлөн амьсгаа чинь чихэнд шүргэхэд хорвоог мартдаг
БИ ЧАМД ТИЙМ Л ХАЙРТАЙ

Амитаба


Яаж би амитаба шиг, хөлөө цэцгэн өлзийгөөр завилах вэ?
Яаж би амитаба шиг, чамайгаа бурханы тигд бүтээх вэ?
Яаж би амитаба шиг, хүйсний нууцыг хуруугаараа томъёолох вэ?
Яаж би амитаба шиг, хүүхний бэлхүүсийг алтан харганаар үйслэх вэ? 


Намайг ойлгох гэж битгий хичээ
Найрагч биш ээ би

2010-07-06


Надад таалагдаггүй цэнхэрхэн даашинзанд би дургүй ээ
Найрсагхан инээмсэглэхдээ ч өөр тийшээ харвал битгий гайхаарай
Харцаан нууж үнэнгээс холдуулсан юм
Хариулчихаад яваад өгвөл бүүр ч битгий гайхаарай
Энэ нь илүү амар санагдсан биз.

Бүдэрч унасан чулуугаа хараад ч инээж яваарай /Хэн нэгний шүлэг/


Дэлбээгээ дөнгөж нээгээд турьгүйхэн цөмцийх
Дэлхийн аашинд дасаж ядах, хэнзхэн цэнхэр яргуй нь бүсгүй та юм шүү
Цэцгийн дэлбээ, нарны цацраг, салхины үзүүрээс ертөнцийн аясыг мэдэрдэг
Цэгээн гэрлийн цагаан давалгаа нь бүсгүй та юм шүү

2010-07-05

Бороонд норох сайхаан


Бороонд норон алхахад цаанаа л нэг гоё
Бодол минь хүртэл гэгээхэн хүсэлд автаж
Би зүгээр л инээмсэглэмээр санагддаг
Бүүр ихээр ороосой гэж улам давардаг.