Надаас юу ч битгий асуу

Над руу битгий хар
Намар нахиалж цэцэгс инээмсэглэхээ байчихна
Надаас юу ч битгий асуу
Найрсагхан зан чинь хув'saн өөрчлөгдчихнө



Харсан болгоноос хариулт гарна гэж бүү найд
Харин түүнд юу нуугдаж байгааг олохыг хичээ.
Хэнэггүйхэн алхах нь үзэсгэлэн гоо биш ч
Хээнцэглэн гоёх дотоод ертөнцийг тани.

Урдаас чинь инээхдээ ярвайсанд туних хэрэггүй ээ
Уулга алдан баярласнаа мэдэгдэхгүйг хичээсэн л байх.
Зэрэгцэхийг хүссэн ч яахаа мэдэхгүй холдсонд
Зэмлэж дургүйцэхээсээ өмнө өөрийгөө нэг санаарай.

Өнгө алаглан солонгорох цэцэгст гоёмсог зугаацах шиг
Өөрчлөгдөн хувьсах амьдралд шинэ бүхэн сонихон
Нэг л зан ихэмсэг агаад энгийн мэт ч
Нийлж салах үүлс хааяа холдох нь жаргалтай.

Гадаа гудамжинд шороо шуурч байхад
Гунигийг биш аниргүй оршиход
Гайхаж биш тунгааж бодоорой.

Ертөнцөд бүх л зүйлс жам ёсоороо
Ерөөсөө яагаад түүнийг өөрчлөж болохгүй гэж
Зөрж бусдын адил биш өөрөөр сэтгэхэд
Зөндөө зүйлс хааяа сонирхолтой бас гунигтай.

Юу ч бодохгүй хааяа төөрөх шиг
Юм болгон сонирхолтой санагдаж хүсэл дэрвэлзэх шиг
Энэ ертөнц дэндүү амархан ч юм шиг
Эвлүүлдэг тоглоом шиг ээдрээтэй ч юм шиг

Би юу ч санахгүй, юу ч мэдэхгүй ээ
Битгий надаас асуу, бас юу ч битгий ярьж өг
Буцаж очихгүй ертөнцийг мэдэрмээр байна
Би тэндээс өөрийгөөн олж ирье.

Тэр үед надаас юу хүссэнээ асуу
Тээнэглэсэн хариуг хэлье
Тэнэглэл, ухаарлыг уучилж ойлгоё
Түүнээс өмнө юу ч битгий асуу

Би биш хэн нэгэн нь хариулчихна.