Бүүр хоосон эзгүй

Энэ агшинд
Тэр агшинд
Эргэцүүлэл
Төсөөлөл



Бодлоос хааяа залхдаг
Бүүр хоосон
Эзгүй
Амар ч юм шиг

Зөвхөн өнөөдөр
Маргаашийг мэдэхгүй
Зөндөө олон
Ирээдүйг харахгүй

Бийрээр тоглож сараачмаар
Би зүггүйтэж донсломоор
Бичигхэн дусал хүүрнэмээр
Бурхан чөтгөртэй ч ханьсмаар

Болохгүйг болгож үзмээр
Будгийг гурил шиг зуурмаар
Бүүдийсэн гэрлийг саагаар гялалзуулмаар
Бүх л зүйлийг амилуулж тогломоор

Усанд уусч
Бороонд
Ухаан санаа
Би
Өөр юу ч гүй
Хэсэг хором

Надад
Олдох болов уу?