Яг л ЭХЛЭЛ ТӨГСГӨЛ шиг

Бүгд шал худлаа санагджийна
Бөхийх болгонд нь тосох
Би-гээ гээсэн
Тэр хүмүүний олон төрхүүд
Баян ч юм уу
Хааяа атаархахы



Бүчин тойрсон дүрсүүд
Бачуурсан ч мишээж болохгүй
Нэг төрхүүд
Гэнэдэж алдчихвал
Тооноос хасагдчих гээд
Хэцүү байдаг байхдаа хөөрхий

Үнэнг хэлчихээр буруутдаг
Үнэхээр гашуун хорвоо
Дагаж л баясахгүй бол
Дандаан буруутгаж баясдаг сонин хорвоо

Бөөрөнхий дэлхийд бөөрөнхий байх учиртай гэж үү
Бүгдээр хүрээлүүлэхийн тулд бөөрөнхий байх ашигтай ч юм уу
Би зүгээр л өнөөдөр бичсэн сэтгэгдэл болгонд хандах
Би чи-гээ ялгаварлах бижигхээн зүйлийг анзаарчихаад
Жаахан гуниглачихлаа, бас итгэл алдарчихлаа

Заримдаа энэ хорвоо дэндүү амархан юм шиг хэрнээ
Заримдаа дэндүү хэцүү байх юм
Яг л эхлэл төгсгөл шиг
Ямар ч дунд нь цэг, таслал байхгүй